Fréttir
- 10 keppendur, feitur ferðavinningur, roknaljóðastuð...
Nú er loksins komið í ljós hverjir keppa til úrslita í Skáldati 2004. Valið var í hópinn eftir gæðum ljóða, aldri og stíl. Keppendur verða eftirtaldir: Ása Björg Valgeirsdóttir Bjarni Gunnarsson Gunnar Liljendal Haukur Hilmarsson Kristján Hreinsson Sigurbjörg Sæmundsdóttir Sigurður Skúlason Stefán Bogi Sveinsson Urður Snædal Þorsteinn Eggertsson Glæsilegir bókavinningar eru í boði fyrir fyrstu þrjú sætin en aðalgulrótin er 25.000 króna gjafabréf frá IcelandExpress. Dómnefnd skipa Erpur Eyvindarson, Svanhildur Óskarsdóttir og Sverrir Stormsker. Þó er vert að taka fram að áhorfendum í sal gefst kostur á að kjósa og hafa þannig veruleg áhrif á úrslitin. Dagskráin hefst stundvíslega kl. 20:00 í Tjarnarbíói á Menningarnótt, laugardaginn 21. ágúst 2004, og henni lýkur áður en hin rómaða flugeldasýning hefst. Aðgangur er ókeypis og takmarkaður sætafjöldi. Allar nánari upplýsingar er að finna hér.