Tveir menn sátu að bjórsumbli á Næsta bar.
Fyrri maðurinn: Ég er mengella.
Seinni maðurinn: Ég er hið öfuga afbrigði məngellu.

<em>Kannast ég við þig og kannast þú við sjálfan mig?</em>

Samræða þessara tveggja manna, þó torskilin væri,
var engu ólík mörgum öðrum samræðum á sama bar.

Tveir menn ákváðu að fara í pílagrímsferð til að
tilbiðja Guð í Jerúsalem.

                                    Elstu hugmyndir forveranna
hafa á ýmsan hátt verið aðgreindar hugmyndum
annarra um heiminn, bæði eldri og yngri. (Þrír
náttúruspekingar settu fram hugmyndir sem kalla
mætti efnislega einhyggju.)

Skæruliðarnir hafa umkringt Vatnaskóg og Andrés
Önd situr enn í gæsluvarðhaldi.
                                                             Sagt
hefur verið að heimspekingarnir noti skynsamleg
rök á annan hátt, og að hið yfirnáttúrulega skipi
ekki sama sess og hjá öðrum.

Mellurnar tvær og mennirnir tveir,
         náttúruspekingarnir og heimspekingarnir.

<s>Fullkomnar andstæður, mætti segja, sem mætast
í punkti. Hornmál lýsir stærð horns nákvæmlega
og grunneining þess er gráða. (Hring er skipt í
360° og rétt horn mælist 90° (eins og réttilega
er staðhæft á Vísindavefnum.))</s>

Fyrri maðurinn: Áfangastaðurinn er menningin.
Seinni maðurinn: Áfangastaðurinn er <em>meiningin</em>.

Lesist: <s>University of California Press.</s> Hei, passaðu
stólinn minn. Já, svona á þetta að vera.

Hmm. Stóllinn, eftirmynd af lélegri frummynd? Við
erum komnir í hring, ég gefst upp. Veriði bless.