Konungur úlfa
Í grænum draumi
djúpt í iðrum trénaðra náttborða
leynist röddin þín
á gatslitnum kassettum
hrjúf og hol
hlæjandi eins og galgopi
horfins heims
hlýju
gullmolar gærdagsins
gæddir fúnaðri lykt
af svörtum síma
sem hringir aldrei
dansaðu við mig
gegnum gömlu orðin
þú litríki andi
ó, Hudson Bay
leyfðu mér að líða
gefðu mér bleika snúða
og smjörsteikt hrogn
helltu mjólk í glasið mitt
borðaðu grænmetið sjálfur
settu smjör á trýnið
á kettinum
aðeins hærra!
förum í Últíma
sækjum nýja lögreglubúninginn
kveikjum mjúka ljósið í klæðaskápnum
segðu mér að sækja ritvélina
láttu mig fá leiðréttingaborðann
kenndu mér að skrifa ljóð
ævaforni kommúnistinn þinn
takk, afi
djúpt í iðrum trénaðra náttborða
leynist röddin þín
á gatslitnum kassettum
hrjúf og hol
hlæjandi eins og galgopi
horfins heims
hlýju
gullmolar gærdagsins
gæddir fúnaðri lykt
af svörtum síma
sem hringir aldrei
dansaðu við mig
gegnum gömlu orðin
þú litríki andi
ó, Hudson Bay
leyfðu mér að líða
gefðu mér bleika snúða
og smjörsteikt hrogn
helltu mjólk í glasið mitt
borðaðu grænmetið sjálfur
settu smjör á trýnið
á kettinum
aðeins hærra!
förum í Últíma
sækjum nýja lögreglubúninginn
kveikjum mjúka ljósið í klæðaskápnum
segðu mér að sækja ritvélina
láttu mig fá leiðréttingaborðann
kenndu mér að skrifa ljóð
ævaforni kommúnistinn þinn
takk, afi