Allt frá dögum Egils
íslensk ljóðagerð
stuðluð!
skrifar Guðmundur

Nú barasta
allt til hópa
ruglukollar
hortittasmiðir
kjaftaþruglarar

Og ÞETTA birtir Mogginn!
Suss og svei!
--
Laxness var óþekkur
Shakespeare einnig
stuðluðu
harla lítið sem ekki neitt

Ég
ljóðskáld
innan gæsalappa

horfi á þessi háu tré
án laufa
vetur

þau bifast til og frá
(kannski má ekki segja bifast?

Haglél skellur á bárujárnið
það er gott að vera innandyra

geng fremur eirðarlaus
um hús mitt

grasekkjan

set upp gluggatjöld
þakin blómum

vermandi

Það er bara ekki hægt að bjóða upp á vond ljóð!
segir Gerður Kristný

Elísabet Jökuls
mæðist í mörgu
segir margt
vill bjarga svooo mörgu

Bónusljóð Andra Snæ aftur!
þrjátíu prósent meira
sama bleika svínið komið enn
(ekki Andri, hann hef ég þekkt
þá smápolla)

Við erum svo sem ekkert öðruvísi en
Egill Skallagríms
skyldi vera?

Hvað á blessuð bókin að heita:

Hortittasmiðurinn
heillin

Meðgangan var erfið
en
svona
óx
þetta
afkvæmi

Akkúrat svona...

(jú, það má alveg segja
greinarnar bifast!)

´Að gefa út ljóðabók´er eins og að kasta rósarblaði ofan af Mont Blanc og bíða
eftir bergmáli
sagði hin óþekkti höfundur

Hva!
Er ekki nóg að skrifa bara bók!
Getur ekki einhver annar selt hana!
spyr ljúflingur
sest í sófann og bíður....

Erum við nokkuð í stríði?
Kannski ættum við
að fara að
skrifa
VEL ort ljóð

(þulu-bulu-ljóð!

Niðurlæg ei ljóð með
bulli
Norma!

--
Göngutúr í myrkri
mikið af stjörnum
norðurljós

Út skal
snöggvast
að munnhöggvast
(rímar!)

Ástkæra ylhýra málið

Hversvegna fórstu svo fljótt
Jónas,
fótbrotinn og fullur

Hvað hefðir þú lagt
til málanna

Smávinir fagrir
Ástkæra....

Mun vera hægt að
bjóða upp á
´vond´ ljóð í friði
verða þau svo
einhverntíman
betri

Ekkert veitir slíka yfirburði sem það
að vera dauður
sagði Jóhann Sigurjóns

Vér lifum
Yðar tími mun koma.....

Þula-bula

það er ekki málið
ekki alveg málið....

To be or...
samt...
Heill þér Guðmundur

Það er málið