UNDIR HÚÐINNI
Erfiði ástar
samfarastrit
gefðu upp sjálfið
nú um hríð
á meðan ég færi
þér heiminn
um stundarsakir.
Í úthafsgrænum augum
hvílir andblær án orða
vélrænt tempó við
port minna vona.
Undir húðinni
við blóðugar brautir
ertist hver fruma
tekur niðri hver taug
búkurinn óháður
tíð og tíma.
Í kyrrþey nætur
þar sem orsök
lífsandans dvelur
mókir frumgerð
heimsins.
Við smávægilega
tognun í tíma
finnum við fótfestu
sem snöggvast
erum ekki framandi
í ókönnuðu landi.
Aðeins aðskild í tíma og rými
aðeins ókunn undir sól
aðeins ólík í slikju mánans.
samfarastrit
gefðu upp sjálfið
nú um hríð
á meðan ég færi
þér heiminn
um stundarsakir.
Í úthafsgrænum augum
hvílir andblær án orða
vélrænt tempó við
port minna vona.
Undir húðinni
við blóðugar brautir
ertist hver fruma
tekur niðri hver taug
búkurinn óháður
tíð og tíma.
Í kyrrþey nætur
þar sem orsök
lífsandans dvelur
mókir frumgerð
heimsins.
Við smávægilega
tognun í tíma
finnum við fótfestu
sem snöggvast
erum ekki framandi
í ókönnuðu landi.
Aðeins aðskild í tíma og rými
aðeins ókunn undir sól
aðeins ólík í slikju mánans.