Sit við tölvuna og finn hvernig fóturinn titrar
Honum langar út í vatnið sem glitrar
Það er svo tært af hverju fer enginn ofan í
Betra núna en á sumrin með þetta helvítis mý

Ég fer í úlpuna og hleyp þangað hratt
Verð að passa mig í brekkunni það er svo bratt
Í gær var svolítið blautt svo ég fór í stígvél
Vrúmm vrúmm, haha, ég er að leika flugvél

Ég stekk útí vatnið bara í fötunum

Ég ætla synda yfir þar til ég kem að öllum Lödunum
Það er svo gaman að þykjast keyra
Því þá getur maður svo mikið meira

Fötin eru þung þau virðast hægja á mér
Svo ég fer úr þeim og skýst áfram eins og smér
Núna er loksins alveg að komast yfir
Bara ef þessi hóll þarna væri ekki fyrir

Ég syndi í kringum hann og kemst uppá bakkann
Oh, núna vildi ég svo að ég væri með jakkann
Hér er mikið kaldara, mig er farið að hrylla
Ég vill fara heim, mér líður alltof illa

Hóst hóst ég kemst ekkert til baka
Ég alveg frosinn eins og súkkulaði ískaka
Mamma hvar ertu, Mamma ég er seinn
Úti í buskanum alveg aleinn

Vá nei sjáðu ég get flogið útum allt
Ég sé húsið mitt og ömmu og mér er ekki lengur kalt
Þetta er svo gaman, ég fer lengra upp í geiminn
Hvað er að gerast? Er ég að yfirgefa heiminn?