Mátturinn
18/01 '00
Mátturinn
Í glösin flæðir mátturinn,
lyfið sem allir neyta,
hann er nú þannig hátturinn,
að hamingjan er bleyta.
Þeir óðu verða góðir,
sem lamb þeir verða ljúfir,
en þeir góðu verða óðir,
eins og úfið hraun, hrjúfir.
Lykillinn að annarri sál,
fæst í dýrum flöskum.
Seinna tíma vandamál
er hugarstarfsins röskun
Ógnvænlegt er bleytunnar böl,
prósentan sífellt hækkar,
ætlaði bara að fá einn öl,
nú seðlamagnið lækkar.
Snotri mey ég býð af bar,
drafandi, í augum rauður.
En hver sem tilgangurinn var,
ég lognaðist útaf dauður.
Vopnaður hamri, nöglum og sög,
nú smiðsins vinna er hafin,
með látum sem hljóta að varða við lög,
er gleði gærdagsins grafin.
Dagurinn líður með mikilli eymd
því er nú ver og miður.
Er húmar að kveldi er kvölin gleymd
í maganum ríkir friður.
Tilbúinn undir tréverk út ég skunda
til móts við gleði nætur
hugsanir í huga mínum blunda
og vakna er linast fætur.
Reikull í spori ég ráfa um,
sjónin úr skorðum farin.
Staldra við og hugsa um,
Hvar er helvítis barinn?!?
Mátturinn
Í glösin flæðir mátturinn,
lyfið sem allir neyta,
hann er nú þannig hátturinn,
að hamingjan er bleyta.
Þeir óðu verða góðir,
sem lamb þeir verða ljúfir,
en þeir góðu verða óðir,
eins og úfið hraun, hrjúfir.
Lykillinn að annarri sál,
fæst í dýrum flöskum.
Seinna tíma vandamál
er hugarstarfsins röskun
Ógnvænlegt er bleytunnar böl,
prósentan sífellt hækkar,
ætlaði bara að fá einn öl,
nú seðlamagnið lækkar.
Snotri mey ég býð af bar,
drafandi, í augum rauður.
En hver sem tilgangurinn var,
ég lognaðist útaf dauður.
Vopnaður hamri, nöglum og sög,
nú smiðsins vinna er hafin,
með látum sem hljóta að varða við lög,
er gleði gærdagsins grafin.
Dagurinn líður með mikilli eymd
því er nú ver og miður.
Er húmar að kveldi er kvölin gleymd
í maganum ríkir friður.
Tilbúinn undir tréverk út ég skunda
til móts við gleði nætur
hugsanir í huga mínum blunda
og vakna er linast fætur.
Reikull í spori ég ráfa um,
sjónin úr skorðum farin.
Staldra við og hugsa um,
Hvar er helvítis barinn?!?