U-beygja
Reglulega
gauka ég afgangnum mínum
til svöngu barnanna
í Bíafra vegna þess að
litli strákurinn á bauknum í búðinni
horfir svo dapur á mig
og ég er alveg agalega svag
fyrir litlum strákum með stór og döpur augu.
(Mig langar að biðja þig
lítillar bónar)
Reglulega
veiti ég líka þeirri manneskju atkvæði mitt
sem mér þykir líklegust til velvildar
í garð þeirra sem mega sín minna eða jafnlítils
og ég.
Heldur þú kannski að þetta sé móralskt ljóð?
Heldur þú að ég yrki friðþægingarljóð?
(Mig langar að biðja þig
lítillar bónar)
Hahaha, þar gabbaði ég þig.
Þetta er sko ekki eitt af þessum
mórölsku ljóðum.
Það hófst bara á þessum staðreyndum úr lífi mínu
fyrir tilviljun. Eða mistök.
Þetta er kannski einskonar ástarljóð.
Eða ástríðuljóð.
(Mig langar að biðja þig
lítillar bónar)
Eða ævintýraljóð.
Eða handaljóð.
Já, einmitt.
Ljóðið mitt fjallar um tvær vestfirskar hendur
sem hvíla við endann á ógnarlöngu
og kafloðnu handleggjaflæmi
og mig langar að bíta í þessar hendur
eða baða mig í þeim.
(Mig langar að biðja þig
lítillar bónar)
Má ég leggja hendur mínar í þínar?
Viltu vera mér ævintýri í fjóra daga af lífi mínu?
gauka ég afgangnum mínum
til svöngu barnanna
í Bíafra vegna þess að
litli strákurinn á bauknum í búðinni
horfir svo dapur á mig
og ég er alveg agalega svag
fyrir litlum strákum með stór og döpur augu.
(Mig langar að biðja þig
lítillar bónar)
Reglulega
veiti ég líka þeirri manneskju atkvæði mitt
sem mér þykir líklegust til velvildar
í garð þeirra sem mega sín minna eða jafnlítils
og ég.
Heldur þú kannski að þetta sé móralskt ljóð?
Heldur þú að ég yrki friðþægingarljóð?
(Mig langar að biðja þig
lítillar bónar)
Hahaha, þar gabbaði ég þig.
Þetta er sko ekki eitt af þessum
mórölsku ljóðum.
Það hófst bara á þessum staðreyndum úr lífi mínu
fyrir tilviljun. Eða mistök.
Þetta er kannski einskonar ástarljóð.
Eða ástríðuljóð.
(Mig langar að biðja þig
lítillar bónar)
Eða ævintýraljóð.
Eða handaljóð.
Já, einmitt.
Ljóðið mitt fjallar um tvær vestfirskar hendur
sem hvíla við endann á ógnarlöngu
og kafloðnu handleggjaflæmi
og mig langar að bíta í þessar hendur
eða baða mig í þeim.
(Mig langar að biðja þig
lítillar bónar)
Má ég leggja hendur mínar í þínar?
Viltu vera mér ævintýri í fjóra daga af lífi mínu?