Ljóð.is

Í stofu út í bæ

í stofu út í bæ brennur jólatré
brennur jólatré í stofu út í bæ
sviðnaðar grenigreinar
asbesteiturlyfjagufur
umlykja feita miðaldra frænku og svæfa hana værum svefni

í stofu út í bæ
bæítúufotsí brennur jólatré
kjarvalmálverk umbreytast
mahóní Picasso Erró
error
rorre

brennur bumba á gömlum manni
gusast blóð niður granir
granir niður blóðgranir
varalitur flagnar af hita af vörum ungrar móður
blá augu gulna
springa gulna
agnirps anlug

jólatré miðaldra bumba
móðir augu springa
jesús kristur í rúst á gullkrossi Jens
rass á lambi verður eldtungum að bráð
óráð grátandi barn
barn grátandi óráð
faðir aska öskur ískur
snark í pilluætufrænku

grasgrænkubuxur við nýja þvottavél
leikur holdfnykur um háa hæla við útidyr
babúbúbabúababúb gobbedígobb
jólakort handrituð í hundruðum brenna í stofu út í bæ
stirðnuð bros á jólahamingjuóskandi andlitum
jólagjafanýútgefnum sundfitum
kjöt af nýslátruðum nautgripum
brennur í einhverri helvítis stofu út í bæ

brennur helvíti í bæ
brennur helvíti í bæ

Pax
1975 - ...

Allur réttur áskilinn höfundi.
http://www.geocities.com/happypuppies2002