Vonlaus
Það er ekki öllum gefið að vera vonlaus ráfandi örvita sál - það er sleipt og erfitt að feta sig á brúninni og það getur brugðist til beggja vona - skyndilega blasir hyldýpið við og baráttan við að halda boltanum og blekkingunni á lofti verður flóknari, margræðari og næstum vonlaus - fullkomnunaráráttan ræðst með blóðugum rýtingi á næsta fórnarlamb og dregur úr mér allan mátt, rænir mig friðnum og með gagnrýnina að vopni, brýtur niður öll orð allar hugsanir, allar gjörðir mínar þar til ekkert er eftir nema efi þakinn sótsvörtu blóði mistakanna
- 00