Skammtímamarkmið?
Á morgun ætla ég að storma
inn í tískubúð í miðbænum
rífa jólaseríurnar úr glugganum
vefja þeim um hálsinn á mér
klifra upp á stól
draga upp svissneskan vasahníf
og rista rúnir í hold mitt.
Svo ætla ég að grípa þrýstna afgreiðslukonu
klína blóði í fötin hennar
og dansa við hana foxtrott.
Svo ætla ég að bera á mér brjóstin
fyrir opinmynntum lýðnum
reka útúr mér klofna tunguna á öryggisverðina
öskra Lebensraum!
og skunda heim til mín.
Þar ætla ég að finna fyrir óendanlegri smæð minni
við risastóra borðstofuborðið mitt
og hugsa með mér að svona
hljóti atómum að líða
og skæla að lokum ofurvarlega
út í kakómaltið mitt.