Gömul ljósmynd
Í grasinu, vænting, bros í miðri ferð.
Bláhvítur himinn, grænar hlíðar,
ljósslegið hár bærist í golunni, rauðar varir
gefa ungu fólki vonir, albjört nótt.
Framtíðin brosir við samferðafólki.
Í fjarska, fjallið, sólslegnir tindar himinháir,
endalaust upp, tíminn stendur í stað,
hvolfist yfir fjarskann eins og dökkir lokkar
niður hnarreist enni ungrar æsku.
Við sjóndeildarhring er lofað dansi og spili.
Hvert er heitið, vænting, draumur, hvert?
Áfram fjallið suður, galsi, kæti, gleði.
Ólgar von og þrá um heita vanga,
lófa í lófa, hendur um háls, kannski meir,
hvíslað í eyru, pískrað, falla fögur orð?
Enn er langt á endastöð.
Bláhvítur himinn, grænar hlíðar,
ljósslegið hár bærist í golunni, rauðar varir
gefa ungu fólki vonir, albjört nótt.
Framtíðin brosir við samferðafólki.
Í fjarska, fjallið, sólslegnir tindar himinháir,
endalaust upp, tíminn stendur í stað,
hvolfist yfir fjarskann eins og dökkir lokkar
niður hnarreist enni ungrar æsku.
Við sjóndeildarhring er lofað dansi og spili.
Hvert er heitið, vænting, draumur, hvert?
Áfram fjallið suður, galsi, kæti, gleði.
Ólgar von og þrá um heita vanga,
lófa í lófa, hendur um háls, kannski meir,
hvíslað í eyru, pískrað, falla fögur orð?
Enn er langt á endastöð.