Netsonnetta að nóttu
Um Internetið vafrað hef ég víða
en veit þó sjálfur aldrei hvert ég stefni
og þjóð mín öll er fróm í fastasvefni.
Mér finnst að tíminn mætti hægar líða.
Á Yahoo fundin loks er leitarsíða
sem lætur mér í té allt sem ég nefni,
jafnt pólitík sem pornógrafískt efni
og prestar þar úr fylgsnum sínum skríða.
En dagsbrún nálgast hljóð úr austurátt
er augum sljóum rýni ég í skjáinn
og finn úr skrokknum fjara allan þrótt.
Að verða átta hringir klukkan hátt.
Ég horfi rauðum glyrnum út í bláinn,
til vinnu held og sofna sætt og rótt.
en veit þó sjálfur aldrei hvert ég stefni
og þjóð mín öll er fróm í fastasvefni.
Mér finnst að tíminn mætti hægar líða.
Á Yahoo fundin loks er leitarsíða
sem lætur mér í té allt sem ég nefni,
jafnt pólitík sem pornógrafískt efni
og prestar þar úr fylgsnum sínum skríða.
En dagsbrún nálgast hljóð úr austurátt
er augum sljóum rýni ég í skjáinn
og finn úr skrokknum fjara allan þrótt.
Að verða átta hringir klukkan hátt.
Ég horfi rauðum glyrnum út í bláinn,
til vinnu held og sofna sætt og rótt.