Menntaskólinn í Reykjavík
Hér við lærðum ljóð og sögur
lífs af undurmerkri braut.
Aldrei gleymast árin fjögur,
sem okkur féllu vel í skaut.
Í hjörtum okkar ávallt lifir
ástkær minning, gleðirík.
Tignarlegur trónir yfir
Tjörninni í Reykjavík.
Gamli skólinn stendur sterkur.
Stolt er efst í hugum vor.
Yfir sveimar andi merkur,
sem okkur veitir dug og þor.
Að takast á við æðstu þrautir
er eitt af vorum markmiðum.
Við ryðjum okkar bestu brautir
með byr frá Menntaskólanum.
Vorar dyr með lífsins lyklum
Lærði skólinn hóf á gátt.
Á lofti höldum heiðri miklum
er héðan göngum, teit og sátt
við árin sem nú eru að baki
þótt ávallt lifi í hugum vor.
Komum, fögnum með koníaki.
Kætumst, stígum dansins spor.
Við göngum héðan glöð í bragði,
gáskafull með bros á vör,
því Menntaskólinn leið vor lagði
um ljúfan veg - hin bestu kjör.
Tíminn hér er töfrum slunginn,
hér tendrast lífsins rómantík.
Mikilsverður er magni þrunginn
Menntaskólinn í Reykjavík.
lífs af undurmerkri braut.
Aldrei gleymast árin fjögur,
sem okkur féllu vel í skaut.
Í hjörtum okkar ávallt lifir
ástkær minning, gleðirík.
Tignarlegur trónir yfir
Tjörninni í Reykjavík.
Gamli skólinn stendur sterkur.
Stolt er efst í hugum vor.
Yfir sveimar andi merkur,
sem okkur veitir dug og þor.
Að takast á við æðstu þrautir
er eitt af vorum markmiðum.
Við ryðjum okkar bestu brautir
með byr frá Menntaskólanum.
Vorar dyr með lífsins lyklum
Lærði skólinn hóf á gátt.
Á lofti höldum heiðri miklum
er héðan göngum, teit og sátt
við árin sem nú eru að baki
þótt ávallt lifi í hugum vor.
Komum, fögnum með koníaki.
Kætumst, stígum dansins spor.
Við göngum héðan glöð í bragði,
gáskafull með bros á vör,
því Menntaskólinn leið vor lagði
um ljúfan veg - hin bestu kjör.
Tíminn hér er töfrum slunginn,
hér tendrast lífsins rómantík.
Mikilsverður er magni þrunginn
Menntaskólinn í Reykjavík.
feb '08