Spennitreyju Blús (Prósi)
Mánudagur til mæðu liggjandi í sjálfsælu í morgunskímu forarpytts útrásar-þynnkunnar, sem öskrar á spegilmyndina af Jóni Sigurðssyni sem hangir enn skökk upp á Alþingis vegg fimmtán mánuðum seinna, ekki seinna að vænna: "Afhverju?!" "Afhverju?!" heyrist ómandi í tvíóma síbylju þess sem var upphrópað gjört í dreggjum dagsins sem hjartað bræddi á mánudegi sem mæddi brjálið á þessu 2000ogÁtta hausti sem steindauð lafandi visnuð laufblöð melónkólíunnar fyllt með dassi af óvissu hass jazzi innst í hugarórum blóðugrar áar hundrað og eins og á sem rennur niður laugaveginn stífluð í krömdu hjarta lyginnar sem enn pumpar spenntum spennitreyjublús í sjúkum borgarsykri óttans á mánudegi 8 mánaða lirfa í lygavef ofnum af púpu örlaganna sem ekki mun undrast splundrast þó gróa á leyti fer á ferðalag tungu lipra munna á milli evrópu tanna manna þar sem herra orðagleypir borðar og meltir mánudaginn sem mæddi hann bræðir og herjar á titrandi taugafrumur sem stígur trylltan tilfinninga dans óðar þjóðar sem haldnar eru skitsó skjálfandi stjörfum stjarfklofa mánudagsins er mæðir, bræðir, æðir læðir að ÞJÓÐINNI BLÆÐIR!
Spennitreyju Blús (í sjúkum borgarsykri óttans) - Prósi eftir Villta Tryllta Villa frá árinu 2008. (Tilraunaprósi "uncut") - Óútgefið.