Limrur
Skýrsla landlæknis 1993:
Ég frétti að Véhildur veira
í vatnsnuddi hitti hann Geira.
Hún gaf honum kvef
og kláða í nef
með krónískri bólgu í eyra.
Frumvarp til búvörulaga:
Þegar bændurnir bera skít á
það borgarbúarnir líta\' á.
Skældir í framan
í skemmtiferð saman
að skoða Gullfoss í Hvítá.
Frumvarp til kvótalaga:
Gunnvör í Hnífsdal var gátlaus
en Guðný í Ólafsvík látlaus.
Gunnvör lauslát
en Guðný kaus gát
því bæði var kvóta og bátlaus.
Gunnar:
Gunnar bauð gestum í geim
en gaf engar ölveigar þeim.
Vakti það furðu
og fjölmargir urðu
fúlir, og héldu heim.
Hundabúskapur:
Á Hóli bjó Finnbogi fundvísi,
en Stefán bróðir hans stundvísi.
Byrjaði í Mýsundi
búskap með vísundi
og bar síðan nafnið: Hinn hundvísi.
Tina Turner:
Austur í Tungum ég sá Tínu
Turner, sofandi á dínu.
Í vaxbornum frakka
af Valda á Bakka
og vakti það talsverða kátínu.
Sumarstemma:
Hjörleifur grillaði humar
hala með lauk í sumar.
Með gamanmál fór
og gaf öllum bjór.
Glöddust þá fjölmargir gumar.
Ég frétti að Véhildur veira
í vatnsnuddi hitti hann Geira.
Hún gaf honum kvef
og kláða í nef
með krónískri bólgu í eyra.
Frumvarp til búvörulaga:
Þegar bændurnir bera skít á
það borgarbúarnir líta\' á.
Skældir í framan
í skemmtiferð saman
að skoða Gullfoss í Hvítá.
Frumvarp til kvótalaga:
Gunnvör í Hnífsdal var gátlaus
en Guðný í Ólafsvík látlaus.
Gunnvör lauslát
en Guðný kaus gát
því bæði var kvóta og bátlaus.
Gunnar:
Gunnar bauð gestum í geim
en gaf engar ölveigar þeim.
Vakti það furðu
og fjölmargir urðu
fúlir, og héldu heim.
Hundabúskapur:
Á Hóli bjó Finnbogi fundvísi,
en Stefán bróðir hans stundvísi.
Byrjaði í Mýsundi
búskap með vísundi
og bar síðan nafnið: Hinn hundvísi.
Tina Turner:
Austur í Tungum ég sá Tínu
Turner, sofandi á dínu.
Í vaxbornum frakka
af Valda á Bakka
og vakti það talsverða kátínu.
Sumarstemma:
Hjörleifur grillaði humar
hala með lauk í sumar.
Með gamanmál fór
og gaf öllum bjór.
Glöddust þá fjölmargir gumar.