ökuljóð (I)
I
enn að auka hraðann þetta kvöld
bjarmi appelsínuleitra ljósa rétt að baki
- alltaf jafn fjarlæg hugsunin
um einbreiða brúna á blindhæðinni -
tíminn hunang
er mórauð skella
birtist í öndverðum enda
lágrar keilunnar
heyri varla öskrið við eyra mér
meðan barðarnir svörtu bráðna
ofan í bikið
(-hvað í veginum alltaf eitthvað í veginum allt-)
dynkirnir undir mér staðfesta
síðustu brúarferð skepnunnar
- - -
kjökrið við hlið mér
ámátlegt vælið í gilinu
mun þagna um síðir
- haustlyktin hverfa með hnúkaþeynum -
en rákirnar svörtu við brúna
verða þar enn í dögun
enn að auka hraðann þetta kvöld
bjarmi appelsínuleitra ljósa rétt að baki
- alltaf jafn fjarlæg hugsunin
um einbreiða brúna á blindhæðinni -
tíminn hunang
er mórauð skella
birtist í öndverðum enda
lágrar keilunnar
heyri varla öskrið við eyra mér
meðan barðarnir svörtu bráðna
ofan í bikið
(-hvað í veginum alltaf eitthvað í veginum allt-)
dynkirnir undir mér staðfesta
síðustu brúarferð skepnunnar
- - -
kjökrið við hlið mér
ámátlegt vælið í gilinu
mun þagna um síðir
- haustlyktin hverfa með hnúkaþeynum -
en rákirnar svörtu við brúna
verða þar enn í dögun
Birtist í 7. hefti Andblæs (1997)