Næsti dagur
Ef ég sit við borðið og bendi á ljósið,
flýgur um mig straumur og ótti
sem alltaf koma með mér í rúmið á kvöldin.
Og við rífumst um sængina og svitnum alveg ógeðslega.
Á meðan er síminn í hleðslu,
Ef ég sit hér við borðið og bendi á ljósið,
finn ég fyrir efa og undrun
sem alltaf fara með mér í rúmið.
Og við sláumst um sængina og vöknum svo með andfælum.
Á meðan er síminn í hleðslu,
Ef ég sit við borðið og bendi á ljósið,
fer um mig löngun og lygar
sem alltaf koma með mér í rúmið á kvöldin.
Og við króknum úr kulda.
Á meðan er síminn í hleðslu.
Ef ég sit hérna við borðið og bendi á ljósið,
þá er það blekking og bölsýni
sem deyfir birtuna og ég fer í rúmið á kvöldin.
Og ég reyni að vefja um mig sænginni og ligg andvaka.
Á meðan er síminn í hleðslu.
flýgur um mig straumur og ótti
sem alltaf koma með mér í rúmið á kvöldin.
Og við rífumst um sængina og svitnum alveg ógeðslega.
Á meðan er síminn í hleðslu,
Ef ég sit hér við borðið og bendi á ljósið,
finn ég fyrir efa og undrun
sem alltaf fara með mér í rúmið.
Og við sláumst um sængina og vöknum svo með andfælum.
Á meðan er síminn í hleðslu,
Ef ég sit við borðið og bendi á ljósið,
fer um mig löngun og lygar
sem alltaf koma með mér í rúmið á kvöldin.
Og við króknum úr kulda.
Á meðan er síminn í hleðslu.
Ef ég sit hérna við borðið og bendi á ljósið,
þá er það blekking og bölsýni
sem deyfir birtuna og ég fer í rúmið á kvöldin.
Og ég reyni að vefja um mig sænginni og ligg andvaka.
Á meðan er síminn í hleðslu.