Ljóð.is

heimsins minnsta ástarsamband

Þú settist
í grænu
rauðu
og hvítu
ég er viss um
að augu þín eru blá
og í rökkri
kasta þau mjúkum skuggum
á egó mitt
ef ég er nærri

kremhvít stígvél
ég þori ekki
að líta eftir augum þínum
of oft
þá feimnast ég
er samt viss um
að ef ég klæði þig úr þeim
í rökkri
þá lokast augun
alveg óvart
og þú ferð að hugsa um mig
meira
og meira

eru augu þín blá?
er sál þín rauð?
heit?
eru varir þínar mjúkar?

kannski í öðru lífi
var ég mastur á skipi
og þú þoka
og við kysstumst
og þú blindaðir mig
svo fórstu
af ótta við að missa mig

já
augu þín eru blá

Hörður S. Dan.
1977 - ...