BSÍ
Molnað brauð er vegur að baki.
Myglaðar mylsnur í annarra vösum.
Snjáðir fingur við skakkar varir.
Situr hnípinn, frakkinn stór.
Tóbakstennur, slitnir skór.
Gjóir sljóum augum hina.
Sýpur hér á meðal vina.
Grettir sig, með herkjum kyngir,
stingur flösku í flýti niður.
Hristir hausinn, þurrkar stút.
Hendir miða, stumrar út.
Tafsar,tuldrar,bölvar,blótar.
Lemur,öskrar,rífst og hótar.
Í rænuleysi götu gengur,
strokumaður,saklaus drengur.
Snjórinn hylmir gráleitt strætið,
glasið gleypir gleði og sorg.
Í gegnum slyddu í gegnum skafla,
nístir hávært,hlandblautt org.
Í Hvílugarði hnígur grætur.
Kastar kveðju á konu og dætur.
Nakinn hvíslar aumur raftur
Ekki meira, aldrei aftur.
Myglaðar mylsnur í annarra vösum.
Snjáðir fingur við skakkar varir.
Situr hnípinn, frakkinn stór.
Tóbakstennur, slitnir skór.
Gjóir sljóum augum hina.
Sýpur hér á meðal vina.
Grettir sig, með herkjum kyngir,
stingur flösku í flýti niður.
Hristir hausinn, þurrkar stút.
Hendir miða, stumrar út.
Tafsar,tuldrar,bölvar,blótar.
Lemur,öskrar,rífst og hótar.
Í rænuleysi götu gengur,
strokumaður,saklaus drengur.
Snjórinn hylmir gráleitt strætið,
glasið gleypir gleði og sorg.
Í gegnum slyddu í gegnum skafla,
nístir hávært,hlandblautt org.
Í Hvílugarði hnígur grætur.
Kastar kveðju á konu og dætur.
Nakinn hvíslar aumur raftur
Ekki meira, aldrei aftur.