Kötturinn
Ég lít í augu hans
og sé að hann er æstur, reiður:
leiður á einræði mínu
Hatur í augum hans
ég yrði reiður ef ég fengi sama matinn dag eftir dag
leiður á tilbreytingarleysinu
Hann liggur í rúminu
bíður eftir tækifærinu til að fá útrás
leiður á skipunum mínum
Hatur í augum hans
ég yrði reiður ef ég yrði geldur
leiður á getuleysinu
Virðist svo hræddur
hræddur við að stíga skrefið
skrefið til frelsunar
Nóttin í nótt er nóttin sem hann mótar landslag andlits míns upp á nýtt meðan ég sef svefn hinna dæmdu.