Jólakveðja
Niður vanga lítið tár eitt læðist
líkt og þýður andvari eða þeyr
á stjörnunóttu fallegt barn eitt fæðist
en fátækt annað und stirndum himni deyr.
Lífið svona líður eins og gengur
og líkast til mun áfram halda um sinn
að eins manns dauði er annars brauð og fengur
og enginn hugsar neitt um haginn minn.
Í kalsaveðri allt kvarnast burt og hrynur
nú komið er að fararstund hjá mér
í jólasnjónum nötrar normansþinur
af nístingskulda kveð ég heiminn hér
og næðingurinn kveðju mína ber
- til þín.
líkt og þýður andvari eða þeyr
á stjörnunóttu fallegt barn eitt fæðist
en fátækt annað und stirndum himni deyr.
Lífið svona líður eins og gengur
og líkast til mun áfram halda um sinn
að eins manns dauði er annars brauð og fengur
og enginn hugsar neitt um haginn minn.
Í kalsaveðri allt kvarnast burt og hrynur
nú komið er að fararstund hjá mér
í jólasnjónum nötrar normansþinur
af nístingskulda kveð ég heiminn hér
og næðingurinn kveðju mína ber
- til þín.