Helena missti af skipinu til Heidelberg
Blóðugur hraktist Ódysseifur
undan eineygum engisprettum
hins ráðvillta hers.
Á milli stríða elskuðust
Hektor og Andrómakka
í skugga heilagra bjarga
ilmur vínviðarins
hneppti moldina í álög
en veröldinni hringsnéru
ljósboltablóm.
París leiddi Ódysseif drafandi
um kalda ganga San Quentin
í hjartanu barðist
blóð lífs hans logandi
augu Helenar fögru
spegluðust í síkinu.
Hektor rétti fram
kúpta lófa og hugsaði:
„Ódysseifur – Sjáðu þetta!“
Dularhjúpur var um eilífðina.
En Andrómakka hvíslaði:
„Ódysseifur – Sérðu skýin?
Logandi, blóðrauð skýin
...þau loga fyrir þig.“
undan eineygum engisprettum
hins ráðvillta hers.
Á milli stríða elskuðust
Hektor og Andrómakka
í skugga heilagra bjarga
ilmur vínviðarins
hneppti moldina í álög
en veröldinni hringsnéru
ljósboltablóm.
París leiddi Ódysseif drafandi
um kalda ganga San Quentin
í hjartanu barðist
blóð lífs hans logandi
augu Helenar fögru
spegluðust í síkinu.
Hektor rétti fram
kúpta lófa og hugsaði:
„Ódysseifur – Sjáðu þetta!“
Dularhjúpur var um eilífðina.
En Andrómakka hvíslaði:
„Ódysseifur – Sérðu skýin?
Logandi, blóðrauð skýin
...þau loga fyrir þig.“
Heidelberg, 2010