Ljóð.is

Rækjuregn -bara ef svo væri

Ég færi fregn
flestum er um megn

hér um bil kl. hálf tólf
streyma bátar í þetta hólf
Í ballar Barentshafi
Er rækja á bólakafi

kjaftfullir dallar í Kolluál
kallarnir segja rækjan sé ekki strjál
ég held samt í Skagadýpi
þó símboðinn pípi

Rækju regn
Rokkurum er um megn

það er sama hvar okkur niður ber
rækjan allstaðar er
Færist þér of mikið í fang
Getur þú flutt rækju á Hólmadrang
engin leið er þessu að lýsa
ljúfur, aflann verður að ísa

Fékk þessa fregn
Um feikna rækjuregn

sjóveiki tjóir ei að sýta
svo vel má rækjuna nýta
talningarnar taka öllu fram
taktu frá fyrir Þormóð Ramm\'

Fyrirlestrum fiskifræðinga gegn
Fréttist um rækjuregn

Flykkjast á Flæmska hatt
Fley kennd við GATT
Engum skal hlífa, hífa,
Hér má ei trollið rífa

Ég færi fregn
um feikna :;rækjuregn:;

Rækjan safnast bara í bing
Básafelli hjá
Sendum óðar á Skagstrending
svo förum miðin á

Þökkum guði þetta rækjuregn
í þrusu stuði lesum fregn
um þetta líka :;rækjuregn:;

Fr. J. Áls
1977 - ...

Þetta væri skyldara staðfæringu en þýðingu á ljóði, ef sú mælistika er við þetta pár lögð, við lag sem ku hafa gert góða lukku í kvikmyndum ekki bara einu sinni heldur í tvígang. Í flutningi kryddaðrar stúlku annarsvegar og kynsystur hennar annars staðar að, reyndar sungu þær um karlpening.
Hripað niður í Trékyllisvík sumarið 2001.