Haustblær
Gárar á fletinum golan af hafi
glampa við suðrinu föllituð ský
Á sundinu værðarleg kollan úr kafi
kemur með æti og dýfir á ný.
Frá húsinu stóra berst hljómur og ylur
hlusta á tónana runnar og tré
Lyngið og grösin og laufið sem hylur
lautina hennar hvar alltaf er hlé.
Af hljómunum kenna má stúlkunnar strauma
strýkur hún nóturnar þögul og hljóð
Í huganum tregar sárt hamingjudrauma
frá hjartanu streymir það tónanna flóð
Haustið er komið, húmið og svalinn
Hlynurinn fellir nú klæðin sín rjóð
Fráan ber norðan á vængjunum Valinn
vindurinn hvíslar sín fegurstu ljóð
glampa við suðrinu föllituð ský
Á sundinu værðarleg kollan úr kafi
kemur með æti og dýfir á ný.
Frá húsinu stóra berst hljómur og ylur
hlusta á tónana runnar og tré
Lyngið og grösin og laufið sem hylur
lautina hennar hvar alltaf er hlé.
Af hljómunum kenna má stúlkunnar strauma
strýkur hún nóturnar þögul og hljóð
Í huganum tregar sárt hamingjudrauma
frá hjartanu streymir það tónanna flóð
Haustið er komið, húmið og svalinn
Hlynurinn fellir nú klæðin sín rjóð
Fráan ber norðan á vængjunum Valinn
vindurinn hvíslar sín fegurstu ljóð