Ég sit hér svo veik, hugurinn reikar
Til þín faðir og um líf mitt allt
Ég er svo hrædd Jesús minn
Ég veit ekki hver er tilgangurinn
Með lífi mínu og að vera hér
En ég þarf heldur ekki að vita það
Þú veist það faðir og það er nóg

Mér líður svo illa núna, pabbi minn
Eins og lítilli stelpu í örvæntingu
Ég veit ekki hvernig ég kemst áfram
Hvað bíður mín í framtíðinni, faðir
En þú veist það, ég vel að treysta þér

Það er stutt að tárin brjótist fram
Ég er svo ein, lítil og hrædd
Ég veit að þú ert þarna fyrir mig
En ég finn lítið fyrir þér núna
Samt er vissa í hjarta mér, þú ert þar

Ég hef svo oft treyst á fólk í lífi mínu
Að það beri mig í gegnum erfiðleikana
Gefi mér vellíðan sem ég þráði svo heitt
Já þetta fólk hefur hjálpað mér mikið
Það hefur brugðist, ég staðið ein eftir

Ég get aðeins treyst algjörlega á þig
Ekki fólk, bara þú getur mætt mér núna
Þú gefur mér bara góðar gjafir
Frið, fögnuð, kærleika og sátt við lífið

Ég leggst í fangið á þér,Jesús núna
Treysti því að þú munir byggja mig upp
Styrkja mig og leiða næstu skref
Taka frá mér örvæntinguna, gefa mér frið
Ég treysti og tilheyri þér pabbi minn,
Nú og ætíð áttu hjarta mitt himna faðir.

Þín dóttir Elfa
15.3.2000