Dóttir
Fallegir garðar í gömlu götunni
og við röltum saman í sólinni
út að litla róló.
Þú spyrð um fuglana og trén
og réttir mér gula fötu með skóflu í.
Við mokum saman.
Útsýnið er fagurt úr kvistíbúðinni
og dökkt viðargólfið býður okkur upp.
Þú stígur létt á ristar mínar
og verður hluti af mér.
Við dönsum saman.
Augu okkar mætast á hvolfi
og þú spyrð hvort olía á malbiki
sé spegilmynd af regnboganum.
Við hlæjum saman.
Stór salur, fullur af fólki sem klappar
og ég sé þig taka á móti framtíð þinni,
með hvíta húfu á höfðinu.
Við fögnum saman.
Nýtísku hús við breiðstrætið
og ég horfi á eftir þér í faðm elskhuga þíns.
Þú lítur við og brosir
og réttir honum gula fötu með skóflu í.
Þið mokið saman.
og við röltum saman í sólinni
út að litla róló.
Þú spyrð um fuglana og trén
og réttir mér gula fötu með skóflu í.
Við mokum saman.
Útsýnið er fagurt úr kvistíbúðinni
og dökkt viðargólfið býður okkur upp.
Þú stígur létt á ristar mínar
og verður hluti af mér.
Við dönsum saman.
Augu okkar mætast á hvolfi
og þú spyrð hvort olía á malbiki
sé spegilmynd af regnboganum.
Við hlæjum saman.
Stór salur, fullur af fólki sem klappar
og ég sé þig taka á móti framtíð þinni,
með hvíta húfu á höfðinu.
Við fögnum saman.
Nýtísku hús við breiðstrætið
og ég horfi á eftir þér í faðm elskhuga þíns.
Þú lítur við og brosir
og réttir honum gula fötu með skóflu í.
Þið mokið saman.