Syndug
Hálfi guli máni ég sá þig fljóta á tjörninni
í skóginum. Ég lagði mig í frosið grasið og horfði.
Horfði á þig sigla fram hjá mér, fljóta eins og í draumi.
Ég henti mér útí og hélt í þig dauðahaldi
eins og kona sem hefur verið kastað í drekkingarhyl
nornir þær fljóta og ég hafði jú þig
ó tærguli máni, þú hálffulla tungl
bjargvætturinn í hylnum
helblái máni ég þekkti þig svo vel
þessi guli vinur í nauðum.
Meyja, litla stúlka, syndug og svört
tunglið tunglið taktu mig
og þarna flaustu eins og í draumi
þú sýndir mér stjörnur og ókunnug lönd
þú sýndir mér annarra nauðir
þú sýndir mér syndir, þú sýndir mér þrá
og mannanna eilífu raunir.
Þú hálfguli máni ég sá þig fljóta í tjörninni
í skóginum forðum. Ég lagði mig í frosið grasið og hugsaði.
Ímyndaði mér ég væri þín að eilífu
ó tærguli máni
ég sökk eins og steinn
syndir eru þungar
nornir þær fljóta
en ímynd þín var aðeins spegilmynd
stjörnurnar hurfu mér sýnum
á endanum bara þetta hálfdauða tungl
sem sökkti syndum mínum.
í skóginum. Ég lagði mig í frosið grasið og horfði.
Horfði á þig sigla fram hjá mér, fljóta eins og í draumi.
Ég henti mér útí og hélt í þig dauðahaldi
eins og kona sem hefur verið kastað í drekkingarhyl
nornir þær fljóta og ég hafði jú þig
ó tærguli máni, þú hálffulla tungl
bjargvætturinn í hylnum
helblái máni ég þekkti þig svo vel
þessi guli vinur í nauðum.
Meyja, litla stúlka, syndug og svört
tunglið tunglið taktu mig
og þarna flaustu eins og í draumi
þú sýndir mér stjörnur og ókunnug lönd
þú sýndir mér annarra nauðir
þú sýndir mér syndir, þú sýndir mér þrá
og mannanna eilífu raunir.
Þú hálfguli máni ég sá þig fljóta í tjörninni
í skóginum forðum. Ég lagði mig í frosið grasið og hugsaði.
Ímyndaði mér ég væri þín að eilífu
ó tærguli máni
ég sökk eins og steinn
syndir eru þungar
nornir þær fljóta
en ímynd þín var aðeins spegilmynd
stjörnurnar hurfu mér sýnum
á endanum bara þetta hálfdauða tungl
sem sökkti syndum mínum.