Þróun
Innst í dalnum, upp við fjallið:
ofurlítill bær.
Ilm af mold og grænu grasi
geymir hægur blær.
Efst í brekku ærnar spakar kroppa
inn við klettinn börnin glaðvær hoppa.
Litlu utar Dreyri gamli dregur plóg,
dregur seint og hægt en áfram miðar þó.
Grasið þekur gráan móinn hægt og hægt.
Hægt og hægt.
Innst í dalnum: auðar tóttir
engin börn að leik.
Brot af plóg í svörðinn sokkið
sinan dauðableik.
Hrumum njóla hráköld gola bifar
hægt og stöðugt klukkan áfram tifar.
Krummi þögull fjaðrir knýr við fjallsins egg.
Feigðin hvíslar döprum róm við tóttarvegg.
Hleðsla brestur, hrynja steinar einn og einn.
Einn og einn.
Einn og einn.
ofurlítill bær.
Ilm af mold og grænu grasi
geymir hægur blær.
Efst í brekku ærnar spakar kroppa
inn við klettinn börnin glaðvær hoppa.
Litlu utar Dreyri gamli dregur plóg,
dregur seint og hægt en áfram miðar þó.
Grasið þekur gráan móinn hægt og hægt.
Hægt og hægt.
Innst í dalnum: auðar tóttir
engin börn að leik.
Brot af plóg í svörðinn sokkið
sinan dauðableik.
Hrumum njóla hráköld gola bifar
hægt og stöðugt klukkan áfram tifar.
Krummi þögull fjaðrir knýr við fjallsins egg.
Feigðin hvíslar döprum róm við tóttarvegg.
Hleðsla brestur, hrynja steinar einn og einn.
Einn og einn.
Einn og einn.