Úr stjórnmálalífi
Eftir fréttum allavega
er ég leitandi.
Æsseifið var eiginlega
orðið þreytandi.
Margt er sagt á flestum fundum
en fáu trúandi.
Sumir eru öllum stundum
einkum ljúgandi.
Landið allt til vinstri vegar
virðist skoppandi.
Nokkrir eru orðnir þegar
alveg hoppandi.
Stjórnin ógnar kóngum kvóta
kerfið mölvandi.
En gráðugur vill gróðans njóta
og grenjar bölvandi.
Íhald vítt til valda sækir
verklaust hangandi.
Sífellt málin Framsókn flækir
af fýlu angandi.
Stjórnin þó á rassinn renni
og ríki dottandi
einlægt nokkrir eftir henni
eru hottandi.
Ef til vill er okkar kreppa
eitthvað sjatnandi
svo ár við megum aftur hreppa
aðeins batnandi.
er ég leitandi.
Æsseifið var eiginlega
orðið þreytandi.
Margt er sagt á flestum fundum
en fáu trúandi.
Sumir eru öllum stundum
einkum ljúgandi.
Landið allt til vinstri vegar
virðist skoppandi.
Nokkrir eru orðnir þegar
alveg hoppandi.
Stjórnin ógnar kóngum kvóta
kerfið mölvandi.
En gráðugur vill gróðans njóta
og grenjar bölvandi.
Íhald vítt til valda sækir
verklaust hangandi.
Sífellt málin Framsókn flækir
af fýlu angandi.
Stjórnin þó á rassinn renni
og ríki dottandi
einlægt nokkrir eftir henni
eru hottandi.
Ef til vill er okkar kreppa
eitthvað sjatnandi
svo ár við megum aftur hreppa
aðeins batnandi.
Flutt á hagyrðingakvöldi á Eyrarbakka í nóvember 2009.