Vegur sannleikans
Á vegi sannleikans vandratað er,
varla er því að leyna
og ýmsan honum út af ber,
þótt ætli hann sér að reyna
af fremsta megni að feta hann,
finnst honum erfitt að þegja,
þá þráfalt er verið að þýfga hann
um það sem hann vill ekki segja.
Reyndu samt, svo að sofir þú rótt,
sannleika' að halda þig nærri.
Segðu það satt sem segir, þótt
séu orðin færri,
því allt, sem þú lýgur, efst og fremst
upp frá því þarftu að muna
og ekkert þú græðir og ekkert þú kemst
áfram á nýjum spuna.
Hreinskilnin er því happasæl,
þótt hollt sé á stundum að þegja.
Allan sannleik frá ufsum að hæl
er ónauðsynlegt að segja.
varla er því að leyna
og ýmsan honum út af ber,
þótt ætli hann sér að reyna
af fremsta megni að feta hann,
finnst honum erfitt að þegja,
þá þráfalt er verið að þýfga hann
um það sem hann vill ekki segja.
Reyndu samt, svo að sofir þú rótt,
sannleika' að halda þig nærri.
Segðu það satt sem segir, þótt
séu orðin færri,
því allt, sem þú lýgur, efst og fremst
upp frá því þarftu að muna
og ekkert þú græðir og ekkert þú kemst
áfram á nýjum spuna.
Hreinskilnin er því happasæl,
þótt hollt sé á stundum að þegja.
Allan sannleik frá ufsum að hæl
er ónauðsynlegt að segja.