Hamingjuforskrift
Tileinkað syni mínum og elskunni hans
Heyrst hefur gjarnan, þar hamingjan fer,
heimsæki' hún útvalda fáa,
en gættu þess vandlega' að gerlegt það er
að gleðja sig yfir því smáa.
Aðstaða mannanna ólík víst er,
efnin, umhverfið, vinnan,
en hamingjutilfinning hugurinn ber
og hún kemur bara að innan.
Í núinu lifir, hve naumt sem það er
þess nýtur, ef ekki er kviðið
því ókomna, ellegar obbi þess fer
í eftisjá þess sem er liðið
Forskrift að hamingju fólgin er í
fjölskrúði sólarlagsins,
að hlúa að minningu hlýrri og því,
að hlakka til morgundagsins.
Heyrst hefur gjarnan, þar hamingjan fer,
heimsæki' hún útvalda fáa,
en gættu þess vandlega' að gerlegt það er
að gleðja sig yfir því smáa.
Aðstaða mannanna ólík víst er,
efnin, umhverfið, vinnan,
en hamingjutilfinning hugurinn ber
og hún kemur bara að innan.
Í núinu lifir, hve naumt sem það er
þess nýtur, ef ekki er kviðið
því ókomna, ellegar obbi þess fer
í eftisjá þess sem er liðið
Forskrift að hamingju fólgin er í
fjölskrúði sólarlagsins,
að hlúa að minningu hlýrri og því,
að hlakka til morgundagsins.